BLOG 17: Bolivië en die Argentynse Chaco

  BLOG 17 (Mei 2018) Ons is oppad na die grenspos Ollague tussen Chilie en Bolivië en soek kampplek. Op ‘iOverlander’, die internet forum, verwys iemand na ‘n piekniekplek by ‘n  soutpan met ‘n warmwaterfontein net voor die grens. Wat ‘n juweel! Ons is alleen met net jakkalse en watervoëls as geselskap. Die fontein is helderskoon vars warm water en is ‘n heerlike lafenis in die koue berglug.       Die pad na die ‘Salar de Uyuni’ soutpanne is ‘n riller met sinkplaat wat voel asof ons kar enige oomblik kan verander na ‘n hoop parte. Die paaie het nie aanwysings nie maar uiteindelik kry ons toegang tot die soutpan via ‘n goeie pad wat sowat ‘n meter bo die panne gelig is.   Om ons is die panne onder water met die berge ver weg wat soos eilande op die water dryf…die effek van lugspieëlings. Na ‘n paar kilometer stop die pad skielik … Lees meer hieroor…

BLOG 16 (Einde April 2018)

  BLOG 16:  VALPARAISO EN DIE ATACAMA WOESTYN IN CHILIE   Valparaiso is ‘n hawestad naby Santiago en is onder andere bekend vir sy straatkuns. Ons het nuwe staal rims vir ons motor Timbuktu laat maak in Santiago  en terwyl ons wag besoek ons Valparaiso. Die stad is op die heuwels om die hawe gebou met steil straatjies met oral baie oorspronklike straatkuns. Van die skilders was besig met hul skeppings toe ons verby stap en is maar te gewillig om te poseer vir ‘n foto. Die stad is bekend daarvoor dat alles aanvaarbaar is en gevolglik lê sy sjarme in die jong mense, hul straatkuns, hul individualiteit en hul kleredrag. Elkeen doen sy ding op sy eie manier.   Weereens het ons drama toe ons binneband bars by die petrolpomp in een van Valparaiso se besigste strate. Lees meer by PAP BAND. Terug in Santiago is ons verplig om nog ‘n dag langer te … Lees meer hieroor…

PAP WIEL IN VALPARAISO

Ons ry in een van die besigste boulevards in Valparaiso. Kort petrol en sien die petrolstasie onder een van die geboue en draai in. Die petroljoggie wys ek moet by ‘n ander pomp stop. In die proses wat ek agteruit ry vang die agterwiel een van die mangatdeksels en bars die binneband. Daar staan ons en blokeer twee bane van die petrolstasie. Al wat Chileen is gee raad. Hoe meer ek verduidelik ek kan nie my kar skuif nie en hulle moet my los dat ek die wiel ruil hoe meer praat hulle. Die eienares wil hê ek moet die kar skuif. Niemand praat engels nie en niemand verstaan mens kan nie ‘n 4 ton voertuig met ‘n pap band skuif nie “ Los my dat ek die band ruil en bring my nog ‘n jack as julle een het” Ek sê vir Marianne om die mense besig te hou. Die eienares kom aan met … Lees meer hieroor…

BLOG 15: NOORD PATAGONIË EN DIE VULKANE VAN CHILIE

  BLOG 15: NOORD PATAGONIË EN DIE VULKANE VAN CHILIE (5de blog van die 2de besoek aan Suid Amerika-2018)    Hier in die noorde van Patagonië verander die omgewing en ook die atmosfeer. Die dorpe is groter met selfs ‘n paar stede. Die infrastruktuur verbeter en duidelik is hier meer welvaart. Ook is hier duidelik in seisoen baie meer toeriste. Gelukkig is dit vir ons buite seisoen. Ons neig wes, na Bahia Mansa langs die Stille Oseaan waar ons op ‘n vissershawe afkom waar die lokale mense vis direk van die vissersmanne koop. Die bargaining is driftig en die vissersman sny vaardig die visse se koppe af en haal die binnegoed uit vir ‘n paar  spesiale kliënte. Ons eet heerlike vars gerookte vis direk van die konka waar hulle dit rook en sommerso in hompe in bruin papier verkoop….wat ‘n fees, olierig maar lekker.   Noord van hier verby die dorpie Pucatrihua ry ons op ‘n … Lees meer hieroor…

Blog 14: DIE EILAND CHILOÉ IN CHILIE

  BLOG 14: DIE EILAND CHILOÉ IN CHILIE Agtuur die oggend arriveer ons per veerboot by Quellon op die eiland Chiloé na twee frustrerende nagte op die boot. Ons het toe maar op die veerboot uitgekamp met slaapsakke en opblaasmatrassies en ons admin op datum gekry. So het, weens stormweer ons rit  35 uur geneem in plaas van die normale 12 ure. Terwyl ons petrol volmaak by Quellon kom Rodriqo en Marcel aangehardloop met ‘n geskenk vir ons…2 kg salm. Ons het hom en sy vriende op die boot ontmoet en lekker gekuier ten spyte van die taal. Hy werk as duiker vir ‘n maatskappy wat met salm boer. Weens ons taalgebrek kon ons nie uitvind wat hy presies doen nie maar ons weet dat Chilie en veral Chiloé na Noorweë die tweede grootste uitvoerder van salm in die wêreld is. Vir die volgende 2 dae eet ons salm, lekker dik skywe op brood of … Lees meer hieroor…