Suid Amerika

Hierdie artikel vorm deel van blog 3 via ‘n “interlink” Ons het voertuig probleme. Ons motor sluk so nou en dan. Ons soek ‘n motorwerktuigkundige in Chilecito Chilecito is ‘n pragtige en bekende dorp ingedruk tussen ‘n paar koppe. Hier vind ons ‘n garage wat ons kan help. Die jong en entoesiastiese motorwerktuigkundige vat ons motor vir ‘n toetsrit en geniet die motor met sy regterhand stuur so baie dat hy nog ‘n ekstra draai ry. Die motor wil toe natuurlik nie ruk terwyl hy dit toets nie. Terug by die motorhuis maak hy die enjinkap oop en ruik onmiddelik die suur van die battery. Dit was toe nie die reuk van organiese petrol wat ek al die tyd geruik het nie maar die reuk van die batterysuur van ‘n gebarsde battery. Hulle vind ‘n nuwe battery en bevestig ook dat my petrolfilter skoon is.   Ons moet blyplek kry want die son het reeds … Lees meer hieroor…

DIE DORPIES VAN DIE SIERRAS (hierdie artikel vorm deel van blog 3 by wyse van ‘n “interlink”) Die dorpies tussen die Sierra Cordoba bergreeks en die Andesberge het nogal baie in gemeen. Elke dorp, groot of klein het ‘n plaza asook ‘n kinderspeelpark (klimrame, swaaie en nog baie meer) en meestal ook staal opelug oefenapperate. Selde sien ons dat dit gebruik word in die dag maar saans na 6  word die geriewe wel aktief gebruik. Dan is die dorpe maar veral die plein (plaza) vol mense wat kuier, speel en inkopies doen. Almal ken mekaar..so lyk dit. Die Argentyne is baie sosiaal en kan baie beter kuier as werk en ons is telkens verbaas hoe baie mense nodig is om ‘n spesifieke taak te verrig. Die dorpies is ‘n bietjie verwaardeloos maar soms verras hulle ons as hulle byvoorbeeld baie aandag gee om byvoorbeeld ligpale te verf wat vir ons lyk asof dit nie verf … Lees meer hieroor…

Die rit oor die 6o kilometer wye Paranarivier vloedvlakte het gevoel asof dit net aanhou en aanhou– brûe, water en eilande en baie voëls. Eers na 40 km sien ons die wolkekrabbers en reuse brug van Rosario, ‘n hawestad van Argentinië. So baie water ken ons nie in Suid Afrika nie. Ons slaap 2 nagte by die Duitsers, Larson en Betina, in Belgrano– 600km wes van Rosario in die Sierra de Cordobaberge.  Hier ontmoet ons medereisigers, die Switsers Marc en Gabi, wat hul huis verkoop het en nou voltyds toer in ‘n Landcruiser bakkie. Hy het alles verkoop behalwe vir ‘n paar eiendomme wat hy wat hy verhuur en per internet bestuur. Hulle het ‘n rooftoptent soortgelyk aan wat Viv en Hanlie het, agter op hul bakkie. Toer is lekker maar toer vir die res van jou lewe oordoen dit effens. Ons  besoek aan die pragtigtige dorpie La Cumbresita met sy Duitse houthuisies  kompleet met … Lees meer hieroor…

Ons vlieg na Buenos Aires in Argentinië via Sao Paulo en slaap 4 nagte in Hotel Babel in San Telmo. Van ons hoogtepunte in Buenos Aires was: Begeleide stap in Avenude de Mayor. Ons stap vanaf die ”Constitutional Building” na die hoofplein (Plaza Mayor) in Avenude de Mayor. Die geboue dateer uit die tydperk 1880’s tot 1930’s. Daar is ‘n mengelmoes van baie indrukwekkende geboue wat in Rome en Parys ook indrukwekkend sou wees. Meeste van die geboue is destyds deur argitekte van Europa ontwerp in style soos Neo-Romanesque, Neo-Gothic en ander – dus ‘n nabootsing van baie vroeër in die geskiedenis. Die boumateriaal  van baie van die geboue is as geheel vanaf Europa ingevoer teen hoë koste. Van die Argentyne was destyds skatryk en het hul rykdom ten toon gestel deur geboue te bou van baie hoë gehalte in Avenude Mayor. Duur Koffiehuise soos Café Tortini en luukse boutiques was volop. Buonos Aires was … Lees meer hieroor…

Die Argentynse politiek die afgelope eeu was baie onstuimig. In 1946 kom Juan Domingo Peron met sy vrou Eva Duarte Peron aan bewind. Peron wie se ondersteuning by die arbeidersklas en in die platteland gelê het, was die vader van Peronisme, ‘n party wat vir jare geregeer het met ‘n paar militere diktatorskappe tussenin. Onder Peronisme is die middel- en rykklas onderdruk wat tot erge ekonomiese agteruitgang gelei het. In 1977 het die militere regering onder Generaal Jorge Rafael Videla “Human Rights” sowel as Vryheid van spraak heeltemal onderdruk en was dit onwettig om groepe van meer as twee by mekaar te kom, wat dan beskou was as onwettige betogings. In die tyd is al die pensioenfondse geplunder deur die regering en het tussen 20,000 en 30,000 mense wat hul as  opposisie beskou het, veral jongmense , net weggeraak en is nooit gevind nie. Die moeders (Madres) van die slagoffers het in opstand gekom. Op … Lees meer hieroor…